نظم کے اشعار کی تشریح کے متعلق ضروری ہدایات

(امتحانی نقطہ نظر سے)

نظم کے اشعار کی تشریح انشائی حصے کا دوسرا سوال ہے، جو کہ چھ نمبر کا ہوتا ہے۔

امتحانی پرچے میں حصی نظم سے چار اشعار دیے جائیں گے۔ اگر تمام نظمیں دو تین بار اچھی طرح پڑھ لی گئی ہوں تو نظم کا نام فوراً ذہن میں آ جائے گا۔ فہرست مندرجات سے شعرا کے نام یاد کر لینے چاہییں۔ اس کے لیے ضروری ہے کہ نظم کا عنوان مکمل اور صحیح لکھا جائے اور شاعر کے نام کا املا بھی درست ہو۔ اصل نام لکھنے کی شکل میں مکمل لکھنا چاہیے تاہم تخلص لکھ دینا ہی کافی نہیں ہوتا۔

اس ضمن میں حسبِ ذیل ہدایات سے طلبا استفادہ کر سکتے ہیں۔

سب سے پہلے سوال نمبر لکھا جائے۔
جوابی کاپی پر تشریح طلب اشعار لکھے جائیں۔
تشریح سے قبل دو سطور میں شعر کا مفہوم تحریر کریں۔ اس سے شعر کے متعلق آپ سوجھ بوجھ کا اندازہ ہو جائے۔
تشریح سے قبل مشکل الفاظ اور تراکیب کے معانی لکھنے کی ضرورت نہیں ہے۔
اس کے بعد تشریح کے عنوان کے تحت ہر شعر کی تشریح آدھ صفحے تک کی جائے۔ تشریح میں کسی بھی شاعر کے ملتے جلتے مفہوم والے اشعار کے علاوہ اقوال ، آیات، احادیث ، کہاوتیں، ضرب الامثال وغیرہ کا موقع محل کے مطابق استعمال تشریح کو موثر اور مدلل بنانے کے لیے معاون ثابت ہوتے ہیں۔ اردو کے علاوہ دوسری زبان کے حوالے کی صورت میں چھوٹی بریکٹ میں اردو ترجمہ ضروری ہے۔ حوالے کو مفہوم سے جوڑ کر بیان کرنا چاہیے۔

حصہ نظم کا دوسرا سوال۔ خلاصہ

نظم کا خلاصہ نظم کے اہم نکات کا مختصراً بیان ہوتا ہے۔ چناں چہ نظم کے خلاصے میں تفصیل اور طوالت سے گریز کرنا چاہیے۔ ایک معیاری خلاصہ سات سے دس سطور پر مشتمل ہوتا ہے۔

مولانا الطاف حسین حالیؔ (1837ء - 1914ء)

حمد

مرکزی خیال:

عظیم شاعر مولانا حالیؔ کہتے ہیں کہ کوئی چیز اللہ تعالیٰ کے دائرہ قدرت سے باہر نہیں ۔ اللہ قادر ہے اور انسان عاجز ہے۔ اللہ اپنے پسندیدہ بندوں کو دل کا غنی کا کر دینا ہے، دل کا سخی بنا دیتا ہے۔ اُن کی نگاہوں میں بادشاہی بھی کچھ حیثیت نہیں رکھتی۔ یہ اُن پر اللہ کا انعام ہوتا ہے۔

خلاصہ:

مسدس حالی ( مدوجزر اسلام) کے شاعر الطاف حسین حالی عرض کرتے ہیں کہ اے خالق ارض و سماوات! اس کائنات پر تیرا ہی قبضہ ہے۔ فرماں بردار اور نافرمان تیرے حکم کے سامنے مجبور دکھائی دیتے ہیں۔ اللہ تعالیٰ کو جاننے والا بھی ایسا ہی ہے جیسا کہ نہ جاننے والا۔ اللہ کے مقبول بندوں کی نگاہ میں شاہی لباس کی کوئی اہمیت نہیں ہوتی۔ اللہ کے دائرہ قدرت میں تمام چیزیں سما جاتی ہیں۔ اللہ کی کبریائی اور عظمت کا اعلان آخر ہو کے رہے گا۔ صبح کی ٹھنڈی ہوائیں اسی کا پیغام کو سر عام کر رہی ہیں۔

شعر 1

قبضہ ہو دلوں پر کیا اور اس سے سوا تیرا

اک بندہ نا فرمان ہے حمد سرا تیرا