طبیب اور مریض کے درمیان مکالمہ

طبیب اور مریض کے درمیان مکالمہ

لاہور 13ء، گوجرانوالہ، لاہور 14 فیصل آباد، بہاول پور، راولپنڈی، ملتان ، 15 ،ملتان، لاہور، گوجرانوالہ، فیصل آباد، بہاول پور، سرگودھا، ڈیرہ غازی خان 16

( طبیب صبح کے وقت اپنے کلینک پر بیٹھا ہے۔ ایک شخص مطلب میں داخل ہوتا ہے، خالی کرسی پر بیٹھ جاتاہے اور حکیم صاحب سے مخاطب ہوتا ہے )
مریض:السلام علیکم ! حکیم صاحب (آہ درد سے کراہتا ہے)۔
طبیب:وعلیکم السلام !جی فرمائیے۔
مریض:کل رات سے پیٹ میں شدید تکلیف ہو رہی ہے۔ مرا جار ہا ہوں۔
طبیب:اوہو! خیریت ہے، کیا ہو گیا ہے؟
مریض:خیریت ہی تو نہیں ہے جناب!ورنہ آپ کے پاس کوئی خوشی سے تو نہیں آتا۔
طبیب:ہاں ! یہ بات تو ہے۔
مریض:کوئی دوا دے دیجیے۔ پیٹ کے درد کی وجہ سے بیٹھا نہیں جارہا۔
طبیب:یہ لو پھکی ، ابھی کھالو۔ ان شاء اللہ پیٹ کا دردٹھیک ہو جائے گا۔
مریض:شکر یہ حکیم صاحب۔
طبیب:نبض دیکھ کر (ارے بھائی ! آپ کو تو بخار ہے اور بلڈ پریشر بھی زیادہ ہے۔
مریض:شاید اسی لیے حکیم صاحب! سر میں درد اور طبیعت کافی سست محسوس ہو رہی ہے۔
طبیب:کب سے ایسا محسوس ہو رہا ہے؟
مریض:کل شام تک تو میں بالکل ٹھیک تھا۔ رات کو کھانا کھا کرسویا تو صبح پیٹ میں درد اور طبیعت بوجھل ہی تھی۔سر بھی چکرا رہا تھا۔
طبیب:پھکی کھانے سے پیٹ کا درد ٹھیک ہوا ؟
مریض:جی ہاں حکیم صاحب ! اب کافی افاقہ محسوس ہو رہا ہے۔
طبیب:دوائی میں دے دیتا ہوں لیکن اس کے ساتھ ساتھ آپ کو کچھ احتیاطیں بھی کرنی پڑیں گی۔
مریض:وہ کیا حکیم صاحب؟
طبیب:پہلی احتیاط تو کھانے پینے کے معاملے میں ہے۔نرم اور ہلکی غذا کھانی ہے مثلا دلیہ اور چاول کی کھچڑی وغیرہ
مریض:جی حکیم صاحب ! میں سمجھ گیا۔
طبیب:اس کے علاوہ چند دن آرام کرنا ہے، صبح کی سیر لازمی کرنی ہے اور پریشان نہیں ہونا۔
مریض:آہ بھر کر )مزدور آدمی ہوں حکیم صاحب!آرام ہمارے نصیب میں کہاں؟ اور پریشانی تو مرتے دم تک ساتھ نہیں چھوڑتی۔
طبیب:صحت ہے تو سب کچھ ہے۔
مریض:حکیم صاحب !میں کوشش کروں گا کہ آپ کی ہدایات پر عمل کروں ۔
طبیب: اچھی بات ہے !ان شاء اللہ آپ صحت یاب ہو جائیں گے۔

مریض:حکیم صاحب!کب تک آرام آجائے گا۔
طبیب:ملیریا بخار ہے، کچھ وقت تو لگے گا۔
مریض:شکریہ حکیم صاحب!آپ نے پوری توجہ اور دھیان سے میرا چیک اپ کیا ہے۔
طبیب:کوئی بات نہیں !اورتین دن کے بعد دوبارہ آتا ہے۔
مریض:جی حکیم صاحب!
طبیب:اس کے علاوہ پر ہیز لازمی کرناہے، کیوں کہ پرہیز علاج سے بہتر ہے۔
مریض: جی ہاں، میں پرہیز کروں گا۔ آپ کا شکریہ حکیم صاحب اللہ حافظ
طبیب:اللہ حافظ !اللہ تعالیٰ آپ کو شفا دے۔(طبیب دوسرے مریض کی طرف متوجہ ہوتا ہے )
(حکیم صاحب سے اجازت لینے کے بعد مریض اپنے گھر کی طرف روانہ ہو جاتا ہے)