مرزا اسد اللہ خاں غالبؔ

اسد اللہ بیگ خاں نام، اسدؔ اور غالبؔ تخلص فرماتے تھے، قوم ترک۔ پیدائش 27 دسمبر 1897ء آگرہ میں ہوئی۔ 15 فروری 1869ء کو دہلی میں وفات پائی۔

غالبؔ نے اُردو اور فارسی میں نظم و نثر میں کافی کچھ لکھا، اُسے الگ الگ کُتب کی شکل میں گِنا جائے تو تعداد تیس کے قریب پہنچ جاتی ہے۔

شعر گوئی:

میرزا ابتدائے سِن سے ہی شعر کہنے لگے تھے۔ابتدائی شاعری اُردو زبان میں کی لیکن فارسی میں بھی مشق جاری رہی۔ بیدلؔ عظیم آبادی سے اس قدر متاثر تھے کہ اردو میں بھی انہی کا انداز اختیار کیا۔

اُردو دیوان پہلی مرتبہ اکتوبر 1841ء میں سیّد محمد خان برادر سرسیّد کے مطبع میں چھپا۔ یہ ایک سو آٹھ صفحات پر مشتمل تھا۔

یہاں "دیوانِ غالبؔ” (Ghalib shayari in urdu)سے منتخب اشعار شامل کیے گئے ہیں اور اشعار کا مفہوم و تشریح بھی قارئین کے پیش خدمت ہے۔

تصویری شاعری

دوست غَمخواری میں میری سَعی فرمائیں گے کیازخم کے بھرنے تلک ناخُن نہ بڑھ آئیں گے کیا؟

حضرتِ ناصح گر آئیں، دیدہ و دل فرشِ راہکوئی مجھ کو یہ تو سمجھا دو کہ سمجھائیں گے کیا؟

خط لکھیں گے گرچہ مطلب کُچھ نہ ہوہم تو عاشقِ ہیں تُمھارے نام کے

بے نیازی حد سے گزری بندہ پرور’ کب تلکہم کہیں گے حالِ دِل اور آپ فرمائیں گے’ کیا؟

بنا کر فقیروں کا ہم بھیس غالبؔتماشائے اہلِ کرم دیکھتے ہیں

بے خُودی بے سبب نہیں غالبؔکُچھ تو ہے جس کی پردہ داری ہے

جاتے ہُوئے کہتے ہو قیامت کو ملیں گےکیاخُوب! قیامت کا ہے گویا کوئی دِن اور

دیوانِ غالبؔ سے منتخب اشعار

حرف "ا/الف" سے اشعار

اُس کی اُمّت میں ہُوں میں میرے رہیں کیوں کام بند

واسطے جس شہ کے غالب گنبدِ بے درکھلا

Us (saw) ki ummat me hun main mere rahen kiun kaam ban

Waste jis sheh ke Ghalib gunmbad e be dar khula

مفہوم و تشریح:

مقطع میں حضرت نعت پاکؐ بیان فرماتے ہیں کہتے ہیں کہ میں اُس پیغمبرؐ کی اُمّت میں ہوں جن کے واسطے آسمان کو جو اک بغیر دروازے کا گنبد ہے معراج کے موقع پہ کھول دیا گیا۔ تو پھر بھلا میرے کام کیسے بند رہ سکتے ہیں!!!

♦♥♦

آئینہ دیکھ اپنا سا منھ لے کے رہ گئے

صاحِب کو دِل نہ دینے پہ کِتنا غُرور تھا

Aayena dykh apna sa munh le ke reh gaye

Sahib ko dil na dyne pe kitna gharoor tha

آئے ہے بیکسیء عشق پہ رونا غالبؔ

کِس کے گھر جائے گا سیلابِ بلا میرے بعد

Aaye hy be kasi e ishq pe rona Ghalib

Kis ke ghar jaye ga selab e bla mere ba’ad

ایک ایک قطرے کا مجھے دیناپڑا حساب

خونِ جگر ودیعتِ مژگانِ یارتھا

Aik aik qatre ka muje dyna para hisab

Khon e jigar wdeeyat e mizgan e yaar tha

مفہوم و تشریح:

فرماتے ہیں کہ خونِ جگر میرے محبوب کی بخشش تھی اور اُس کی خواہش تھی کہ میں اس خون کا صحیح استعمال کروں جو میں نہیں کر سکا، جس کے باعث میں تمام عمر مصائب و آلام میں گھِرا رہا گویا ایک ایک قطرہ خون کا حساب چکانا پڑا۔

♦♥♦

اب میں ہُوں اور ماتمِ یک شھرِ آرزُو

توڑا جو تُو نے آئِنہ، تمثال دار تھا

Ab main hon aur matam e yak shehr e aarzu

Tora jo tu ne aayena e tamsal dar tha

اُسے کون دیکھ سکتا کہ یگانہ ہے وہ یکتا

جو دُوئی کی بُو بھی ہوتی تو کہیں دو چار ہوتا

Usse kon dykh sakta ke ygana hai wo yakta

Jo doee ki boo bhi hoti to kahin do char hota

آتا ہے میرے قتل کو، پر جوشِ رشک سے

مرتا ہُوں اُس کے ہاتھ میں تلوار دیکھ کر

Aata hai mere qatal ko, pur josh e rashk se

Marta hon us ke hath main talwaar dykh kar

اِن آبلوں سے پاؤں کے گھبرا گیا تھا میں

جی خوش ہُوا ہے راہ کو پُر خار دیکھ کر

In aablon se paon ke ghabra gya tha main

Ji khush howa hy rah ko pur khar dykh kar

آہ کو چاہیے اِک عمر اثر ہونے تک

کون جیتا ہے تِری زُلف کے سر ہونے تک

Aah ko chahye ik umer asar hone tak

Kon jeeta hai teri zulf ke ser hone tak

آتا ہے داغِ حسرتِ دل کا شمار یاد

مجھ سے مِرے گُنہ کا حساب اے خدا نہ مانگ

Aata hai dagh e hasrat e dil ka shumar yaad

Mujh se mere gunah ka hisaab aey khuda na mang

دشت نوَردی

اللہ رے ذوقِ دشت نوردی، کہ بعدِ مرگ

ہِلتے ہیں خود بخُود مِرے اندر کفن کے پاؤں

Allah re zooq e dasht nawardi , keh baad e marg

Hilte hain khud ba khud mere andar kafan ke paoon

مشاہدہ

اصلِ شُہُود و شاہِد و مشہُود ایک ہے

حیراں ہُوں پھر مُشاہَدہ ہے کِس حساب میں

Asal e Shuhud o shahid e mashhud aik hai

Heeran hoon phir mushahida hai kis hisaab main

بیاباں

اُگ رہا ہے دَر و دیوار سے سبزہ غالبؔ

ہم بیاباں میں ہیں اور گھر میں بہار آئی ہے

کُوئے یار

اُڑتی پھرے ہے خاک مری کُوئے یار میں

بارے اب اے ہَوا! ہوسِ بال و پر گئی

تیرا گھر

اپنی گلی میں مُجھ کو نہ کر دفن بعدِ قتل

میرے پتے سے خلق کو کیوں تیرا گھر مِلے

آشفتہ سر

اے ساکنانِ کوچہ دلدار! دیکھنا

تُم کو کہیں جو غالبِؔ آشفتہ سر ملے

حالِ دل

آگے آتی تھی حالِ دل پہ ہنسی

اب کِسی بات پر نہیں آتی

نوائے سروش

آتے ہیں غیب سے یہ مضامیں خیال میں

غالبؔ صریرِ خامہ نوائے سروش ہے

جامِ سفال

اور بازار سے لے آئے اگر ٹوٹ گیا

ساغرِ جَم سے مِرا جامِ سفال اچھّا ہے

رونق

ایک ہنگامے پہ موقوف ہے گھر کی رونق

نوحہ غم ہی سہی نغمہ شادی نہ سہی

خُوشی

اسدؔ خوشی سے مِرے ہاتھ پاؤں پُھول گئے

کہا جو اُس نے "ذرا میرے پاؤں داب تو دے”

کھیل

اک کھیل ہے اورنگِ سُلیماں مرے نزدیک

اِک بات ہے اِعجازِ مسیحا مِرے آگے

ایماں

ایماں مُجھے روکے ہے’ جو کھینچے ہے مجھے کُفر

کعبہ مِرے پیچھے ہے، کلیسا مِرے آگے

نعش/لاش

اِس رنگ سے اُٹھائی کل اُس نے اسدؔ کی نعش

دُشمن بھی جس کو دیکھ کے غم ناک ہو گئے

ابنِ مریم

ابنِ مریم ہُوا کرے کوئی

میرے دُکھ کی دَوا کرے کوئی

آئینہ

آئینہ کیوں نہ دُوں کہ تماشا کہیں جِسے

ایسا کہاں سے لاؤں کہ تُجھ سا کہیں جسے

٭٭٭

نُکتہ داں

ادائے خاص سے غالبؔ ہُوا ہے نُکتہ سرا

صلائے عام ہے یارانِ نُکتہ داں کے لیے

حرف "ب" سے اشعار

بُلبُل کے کاروبار پہ ہیں خَندہ ہائے گُل

کہتے ہیں جِس کو عشق، خلل ہے دماغ کا

Bulbul ke karobar pe hain khanda haye gul

Kehte hain jis ko ishq, Khalal hai dimagh ka

بخشے ہے جلوہء گُل، ذوقِ تماشا غالبؔ

چشم کو چاہیے ہر رنگ میں وا ہو جانا

Bakhshe hai jalwa e gul, zoq e tamasha Ghalib

Chasm ko chaye her rang main wa ho jana

بوئے گُل ، نالہء دل، دُودِ چراغِ محفِل
جو تِری بزم سے نِکلا، سو پریشاں نِکلا

Boye gul, nala e dil, dood e charagh e mehfil

Jo teri bazm se nikla, so preshaan nikla

مفہوم و تشریح:

کہتے ہیں کہ تری محفل سے نکل کر کسی کو سکون نہ ملا، تیری بزم ہی دراصل بہترین جائے سکون ہے۔ پھول کی خوشبو ہو یا دل سے نکلی ہوئی آہ و فریاد ہو یا محفل کے چراغ کا دھواں ہو غرض جو بھی تیری بزم سے نکلا وہ پریشان حال رہا اور اس کا وجود ہی ختم ہو گیا۔

بوئے گل، نالہ دل، دودِ چراغِ محفل تو بطور مثال پیش کئے گئے ہیں اور دراصل مراد انسان ہی سے ہے اور تیری بزم سے اشارہ محبوب کی محفل سے ہے خواہ وہ محبوب مجازی ہو یا حقیقی قول دونوں پر صادق آتا ہے۔

بغل میں غیر کی آج آپ سوئے ہیں کہیں ورنہ

سبب کیا، خواب میں آکر، تبسُّم ہائے پِنہاں کا

Baghal main ghair ki aaj aap soye hain kahiin warna

Sabab kya, Khawab mein aa kar, tabassum haye pinhaan ka

بزمِ شاہنشاہ میں اشعار کا دفتر کھلا

رکھیو یا رب یہ درِ گنجینہء گوہر کھلا

Bazm e shehnsha mein ashaar ka daftar khula

Rakhyu ya rab ye dar e ganjeena e gohar khula

بسکہ دشوار ہے ہر کام کا آساں ہونا

آدمی کو بھی میّسر نہیں اِنساں ہونا

Baskeh dushwar hai har kaam ka aasaan hona

Aadmi ko bhi muyasser nahi ainsaan hona

بے نیازی حد سے گزری بندہ پرور’ کب تلک

ہم کہیں گے حالِ دِل اور آپ فرمائیں گے’ کیا؟

Be niazi had se guzri banda parwer kab talak

Hum kahen gay hale dil aur aap fermayen gay KYA?

بلائے جاں ہے غالب اُس کی ہر بات

عِبارت کیا، اشارت کیا، ادا کیا

Blaye jaan hai Ghalib us ki her baat

Ebaarat kya, ishaarat kya, ada kya

بنا کر فقیروں کا ہم بھیس غالبؔ

تماشائے اہلِ کرم دیکھتے ہیں

Bna ker faqeeron ka hum bhais Ghalib

Tamasha e ahl e karam dykhte hyn

گھر

بے در ودیوار سا اک گھر بنایا چاہیے

کوئی ہمسایہ نہ ہو اور پاسباں کوئی نہ ہو

عمرِ خضر

بے صَرفہ ہی گُزرتی ہے، ہو گرچہ عُمرِ خضر

حضرت بھی کل کہیں گے کہ ہم کیا کِیا کیے

بے خودی

بے خُودی بے سبب نہیں غالبؔ

کُچھ تو ہے جس کی پردہ داری ہے

تماشا

بازیچہء اطفال ہے دُنیا مِرے آگے

ہوتا ہے شب و روز تماشا مِرے آگے

بات

بات پر واں زبان کٹتی ہے

وُہ کہیں اور سُنا کرے کوئی

ساقئ کوثر

بَہُت سہی غمِ گیتی، شراب کم کیا ہے؟

غُلامِ ساقئ کوثر ہُوں مُجھ کو غم کیا ہے!

٭٭٭

خُدا ہے

بے گانگئ خَلق سے بیدل نہ ہو غالبؔ

کوئی نہیں تیرا، تو مِری جان، خُدا ہے

٭٭٭

بے دلی

بے دلی ہائے تماشا کہ نہ عبرت ہے نہ ذوق

بے کَسی ہائے تمنّا کہ نہ دُنیا ہے نہ دیں

٭٭٭

بوسہ

بوسہ دینے میں اُن کو ہے اِنکار

دِل کے لینے میں جن کو تھا اِبرام

اِبرام: مطالبہ، اصرار

حرف "پ" سے اشعار

دیدہء تر

پھر مُجھے دیدہء تر یاد آیا

دِل، جِگر تَشنہء فریاد آیا

Phir muje deeda e ter aaya

Dil, jigar tashna e faryaad aaya

آدمی

پکڑے جاتے ہیں فرشتوں کے لکھے پر ناحق

آدمی کوئی ہمارا دمِ تحریر بھی تھا؟

Pakre jatay hain farishton ke likhe par na haq

Aadmi koi hamara dam e tehreer bhi tha?

غالب کون ہے

پُوچھتے ہیں وہ کہ غالبؔ کون ہے

کوئی بتلاؤ کہ ہم بتلائیں کیا

Pochte hain wo keh Ghalib kon hai

Koi batlao keh hum batlayen kya

کلام

پاتا ہُوں اُس سے داد کُچھ اپنے کلام کی

رُوح القُدُس اگرچہ مرا ہم زباں نہیں

Pata hoon us se daad kuch apne kalam ki

Rooh ul qudas agerche mera hum zuban nahi

درد کی دوا

پیدا ہوئی ہے، کہتے ہیں، ہر درد کی دوا

یُوں ہو تو چارہء غمِ اُلفت ہی کیوں نہ ہو

Peda hovi hai, kehte hain, har drd ki dawa

Yun ho tu chara e gham e ulfat hi kiun na ho

بیمار

پڑیے گر بیمار تو کوئی نہ ہو تیماردار

اور اگر مَر جائیے تو نوحہ خواں کوئی نہ ہو

بے وفا

پھر اُسی بے وفا پہ مرتے ہیں

پھر وُہی زندگی ہماری ہے

شراب

پِلا سے اوک سے ساقی! جو ہم سے نفرت ہے

پیالہ گر نہیں دیتا نہ دے، شراب تو دے

تمنّا

پُھونکا ہے کس نے گوشِ مَحبّت میں اے خُدا

افسونِ اِنتظار، تمنّا کہیں جسے

٭٭٭

گریباں

پھر وضعِ احتیاط سے رُکنے لگا ہے دم

برسوں ہُوئے ہیں چاک گِریباں کِیے ہُوئے

٭٭٭

در

پھر جی میں ہے کہ در پہ کسی کے پڑے رہیں

سر زیرِ بارِ منّتِ درباں کِیے ہُوئے

حرف "ت" سے اشعار

بھول گیا

تُو مجھے بُھول گیا ہو تو پتا بتلا دُوں؟

کبھی فِتراک میں تیرے کوئی نَخچِیر بھی تھا

Tu muje bhool gaya ho to pta batla dun?

Kabhi fitrak mein tere koi takhcheer bhi tha

♦♥♦

خواب میں

تھا خواب میں خیال کو تُجھ سے مُعاملہ

جب آنکھ کُھل گئی، نہ زیاں تھا نہ سُود تھا

Tha Khawb mein khayal ko tujh se muaamla

Jab aankh khul gaye , na zayan tha na soud tha

مفہوم و تشریح:

کہتے ہیں کہ ہماری محبت بھی تجھ سے ایک خواب و خیال تھی جس طرح خواب سے بیدار ہو کر آدمی ہاتھ ملتا رہ جاتا ہے اور کچھ نفع اور نقصان نہیں ہوتا۔ بالکل اسی طرح تجھ سے ہمارا تعلق ہے۔ اور اس میں لطف کی بات یہ ہے کہ خواب میں بھی خیال یارِ ہی رہا۔

♦♥♦

کوہکن

تیشے بغیر مر نہ سکا کوہکن اسدؔ

سر گشتہء خُمارِ رُسُوم و قُیُود تھا

Teshe bagair mar na saka kohkan Asad

ser ghashta e khumar e rusoom o qayud tha

مفہوم و تشریح:

یہاں حضرت غالبؔ صاحب فرہاد کے عشق کو رد کر رہے ہیں کہ اگر واقعی فرہاد شیریں کا عاشق تھا تو اس کو شیریں کے انتقال کی خبر پاتے ہی اس صدمے سے جاں بحق ہو جانا چاہیے تھا، تیشہ مار کر خودکشی کرنے کی ضرورت نہیں تھی، یہ مرنا تو رسومِ دُنیا کے تحت ہے، عشق کے تحت نہیں۔۔۔

♦♥♦

مرگ

تھا زندگی میں مرگ کا کھٹکا لگا ہُوا
اُڑنے سے پیشتر بھی مرا رنگ زرد تھا

Tha zindagi mein merg ka khatka laga howa

Urne se peshter bhi mera rang zard tha

مفہوم و تشریح:

فرماتے ہیں کہ زندگی بھر موت کا ڈر طاری رہا اور اس کا کھُلا ہوا ثبوت یہ ہے کہ جب میں نے اس دُنیا سے دوسرے جہان کے لیے اُڑان بھری یعنی موت آئی تو اس سے پہلے ہی مارے خوف کے میرا رنگ زرد ہو گیا۔

♦♥♦

نُسخہ ہائے وفا

تالیفِ نُسخہ ہائے وفا کر رہا تھا میں
مجموعہء خیال ابھی فرد فرد تھا

Taleef e Nuskha haye wafa kar raha tha main

Majmooaa e khayal abhi fard fard tha

♦♥♦

وعدہ

ترے وعدے پر جِیے ہم، تو یہ جان ، جھوٹ جانا

کہ خوشی سے مر نہ جاتے اگر اعتبار ہوتا

Tere wade par jiye ham, to ye jaan, jhoot jana

Keh khushi se mar na jate agar aetbar hota

مفہوم و تشریح:

اس شعر میں طنز اور اک حُسن پوشیدہ ہے۔ وہ یہ کہ ہر عاشق محبوب کے وعدے پر بہت خوش اور مست رہتا ہے مگر حضرت اس کے خلاف یہ فرماتے ہیں کہ تو نے اگر یہ سمجھا کہ ہم تیرے وعدے پر زندہ رہے تو غلط سمجھا اگر اس میں ذرا بھی صداقت ہوتی تو ہمیں اس قدر خوشی ہوتی کہ ہم اسے برداشت نہ کر سکتے اور دنیا سے کوچ کر جاتے۔ اس دلیل سے یہ ثابت ہوتا ہے کہ تیرے وعدے کو پہلے ہی ہم نے سنجیدہ نہیں لیا کیونکہ ہمیں معلوم تھا کہ تو وعدہ کرنا جانتا ہے وعدہ نبھانا نہیں!

♦♥♦

تماشا

تھی خبر کہ غالبؔ کے اُڑیں گے پُرزے

دیکھنے ہم بھی گئے تھے پہ تماشا نہ ہُوا

Thi khabar keh ‘Ghalib’ ke uren gay purze

Dykhne hum bhi gaye the pa tamasha na howa

تصور

تھی وہ اِک شخص کے تصوّر سے

اب وہ رَعنائیء خیال کہاں

Thi wo ik shaks ke tasawwar se

Ab wo ra’ana e khyal kahan

رسم و راہ

تم جانو، تُم کو غیر سے جو رسم و راہ ہو

مُجھ کو بھی پُوچھتے رہو تو کیا گُناہ ہو

Tum janu, tum ko ghair se jo rasm o rao ho

Mujh ko bhi pochte raho tu kya gunah ho

آشوبِ غم

تیرے دل میں گر نہ تھا آشوبِ غم کا حوصلہ

تُو نے پھر کیوں کی تھی میری غمگُساری ہائے ہائے

تری صورت

تسکیں کو ہم نہ روئیں جو ذوقِ نظر ملے

حُورانِ خُلد میں تِری صورت مگر ملے

اے ندیم

تجھ سے تو کچھ کلام نہیں لیکن اے ندیم

میرا سلام کہیو اگر نامہ بر مِلے

٭٭٭

ہزار برس

تُم سلامت رہو ہزار برس

ہر برس کے ہوں دن پچاس ہزار

حرف "ث" سے اشعار

رفتار

ثابِت ہُوا ہے گردنِ مِینا پہ خُونِ خلق

لرزے ہے موج مے تری رفتار دیکھ کر

حرف "ج" سے اشعار

فتنہ ء محشر

جب تک کہ نہ دیکھا تھا قدِ یار کا عالَم

میں مُعتِقدِ فِتنہ ء مَحشر نہ ہُوا تھا

Jab tak keh na dykha tha qadd e yaar ka aalam

main motaqadd e fitna e mehshar na howa tha

صحرا

جُز قیس اور کوئی نہ آیا بہ رُوئے کار
صحرا مگر بہ تنگیء چشمِ حُسُود تھا
Juz Qais aur koi na aaya ba roye kaar
Sehra magar ba tange e chashm e husood tha

مفہوم و تشریح:

فرماتے ہیں کہ قیس عامری (مجنوں) کے علاوہ کوئی دوسرا عاشق صحرا نوردی کی طرف مائل نہیں ہوا ۔ واقعہ یہ ہے کہ صحرا ہی حاسد کی نظروں کی مانند تنگ تھا جو میرے جنونِ عشق کے لیے نا کافی تھا۔

جان دی

جان دی، دی ہُوئی اُسی کی تھی

حق تو یوں ہے کہ حق ادا نہ ہُوا

Jaan di, di hov usi ki thi

Haq to yun hay keh haq ada na howa

قیامت

جاتے ہُوئے کہتے ہو قیامت کو ملیں گے

کیاخُوب! قیامت کا ہے گویا کوئی دِن اور

Jaate howe kehte ho qayamat ko milain gay

Kya khoob! qayamat ka hy goya koi din aur

اے خُدا

جب کہ تجھ بِن نہیں کوئی موجود

پھر یہ ہنگامہ اے خُدا کیا ہے

جان

جان تم پر نثار کرتا ہُوں

میں نہیں جانتا دُعا کیا ہے

جُستجُو

جلا ہے جسم جہاں، دل بھی جل گیا ہو گا

کُریدتے ہو جو اَب راکھ جُستجُو کیا ہے

ریختہ

جو یہ کہے کہ ریختہ کیوں کہ ہو رشکِ فارسی
گفتہء غالبؔ ایک بار پڑھ کے اُسے سُنا، کہ یُوں

Jo ye kahe keh rekhta kiun keh ho rashk e farsi
Gufta e Ghalib aik bar parh ke use suna keh yun

توقّع

جب توقّع ہی اُٹھ گئی غالبؔ
کیوں کِسی کا گِلا کرے کوئی

جوشِ جُنُوں

جوشِ جُنُوں سے کچھ نظر آتا نہیں اسدؔ

صحرا ہماری آنکھ میں یک مُشتِ خاک ہے

یہ بھی پڑھیے: شکریہ

حرف "چ" سے شروع ہونے والے اشعار

دل لگی

چھوڑی اسدؔ نہ ہم نے گدائی میں دل لگی

سائل ہُوئے تو عاشقِ اہلِ کرم ہُوئے

پیراہن

چپک رہا ہے بدن پر لہُو سے پیراہن

ہماری جیب کو اب حاجتِ رفو کیا ہے

چال

چال جیسے کڑی کمان کا تیر

دِ ل میں ایسے کے جا کرے کوئی

موج

چار موج اُٹھتی ہے طوفانِ طرب سے ہر سُو

موجِ گُل، موجِ شفق، موجِ صبا، موجِ شراب

چشم ما روشن

چشمِ ما روشن کہ اُس بے درد کا دل شاد ہے

دیدہء پُر خُوں ہمارا، ساغرِ سرشارِ دوست

بُت

چھوڑوں گا میں نہ اُس بُتِ کافر کا پُوجنا

چھوڑے نہ خلق گو مجھے کافَر کہے بغیر

حرف "ح" سے اشعار

حالِ دل

حالِ دِل نہیں معلُوم، لیکن اِس قدر، یعنی

ہم نے بارہا ڈھونڈا، تُم نے بارہا پایا

Haal e Dil nahi maloom, lekin is qadar , yani

ham ne bar haa dhoonda, tum ne bar haa paya

گریباں

حیف اُس چار گرہ کپڑے کی قسمت غالبؔ

جِس کی قسمت میں ہو عاشق کا گریباں ہونا

Haif us char gira kapre ki qismat ‘Ghalib’

Jis ki qismat mein ho aashiq ka garebaan hona

حضرت ناصح

حضرتِ ناصح گر آئیں، دیدہ و دل فرشِ راہ

کوئی مجھ کو یہ تو سمجھا دو کہ سمجھائیں گے کیا؟

Hazrat e Naseh gar aayen, deeda o dil farsh e raah

Koi mujh ko ye to samjha do keh samjhayen gay kya?

نوحہ گر

حیراں ہُوں، دل کو روؤں کہ پیٹوں جگر کو مَیں

مقدُور ہو تو ساتھ رکھوں نوحہ گر کو مَیں

Heraan hoon , dil ko ro’on keh petoon jigar ko main

Maqdoor ho to sath rakhun noha gar ko main

کافَر

حد چاہیے سزا میں عُقوبت کے واسطے

آخر گناہ گار ہُوں، کافَر نہیں ہُوں میں

Had chaaye saza mein aoqoobat ke waste

Aakhir guna gar hun, Kafir nahi hoon main

حرف "خ" سے شروع ہونے والے اشعار

گرفتارِ وفا

خانہ زادِ زُلف ہیں، زنجیر سے بھاگیں گے کیوں

ہیں گرفتارِ وفا، زنداں سے گھبرائیں گے کیا

Khana zaad e zulf hain, zanjeer se bhagain gay kiun

Hain giraftar e wafa, zindaan se ghabra’een gay kya

بد خواہ

خوب تھا پہلے سے آتے جو ہم اپنے بد خواہ

کِہ بھلا چاہتے ہیں اور بُرا ہوتا ہے

خط

خط لکھیں گے گرچہ مطلب کُچھ نہ ہو

ہم تو عاشقِ ہیں تُمھارے نام کے

حرف "د" سے شروع ہونے والے اشعار

وفادار

دِل دِیا جان کے کیوں اُس کو وفادار، اسدؔ

غَلَطی کی کہ جو کافر کو مُسلماں سمجھا

Dil diya jaan ke kiun us ko wafadar, ‘Asad’

Galati ki keh jo kafir ko musalmaan samjha

دردِ دل

دردِ دِل لِکھوں کب تک’ جاؤں اُن کو دِکھلا دُوں

اُنگلیاں فگار اپنی، خامہ خونچکاں اپنا

Dard e dil likhon kab tak, ja’oon un ko dikhla doon

Unglian figaar apni, khama khoon chakaan apna

وقتِ سفر

دَم لیا تھا نہ قیامت نے ہَنُوز

پھر تِرا وقتِ سفر یاد آیا

Dam liya tha na qyamat ne hanooz

Phir tera waqt safar yaad aaya

گریہ

دِل میں پھر گریے نے اِک شور اُٹھایا غالبؔ

آہ جو قطرہ نہ نِکلا تھا، سو طوفاں نِکلا

Dil mein phir girye ne ik shoor uthaya ‘Ghalib’

Aah jo qatra na nikla tha, so toofaan nikla

دوست

دوست غَمخواری میں میری سَعی فرمائیں گے کیا

زخم کے بھرنے تلک ناخُن نہ بڑھ آئیں گے کیا؟

Dost gham khawari meri sa’ee farmayen gay kya

Zakhm ke bharne talak nakhun na barh aayen gay kya?

اچھا، بُرا

دَرد مِنّت کشِ دوا نہ ہُوا

میں نہ اچھّا ہُوا، بُرا نہ ہُوا

Dard minnat kash e dawa na howa

Main na achha howa, bura na howa

پتھر

دائم پڑا ہُوا تِرے دَر پر نہیں ہُوں مَیں

خاک ایسی زِندگی پہ کہ پتّھر نہیں ہُوں میں

Da’em para howa tere dar par nahin hoon main

Khaak aesi zindagi pe keh pathar nahin hoon main

غیر

دَیر نہیں، حرم نہیں، دَر نہیں، آستاں نہیں

بیٹھے ہیں رہگُذر پہ ہم، غیر ہمیں اُٹھائے کیوں

Dair nahi, Haram nahi, dar nahi , aastaan nahi

Bythe hain rehguzar pe hum, ghair hamain uthaye kiun

درد

درد سے میرے ہے تجھ کو بے قراری ہائے ہائے

کیا ہوئی ظالِم تری غفلت شِعاری ہائے ہائے

دیکھنا

دیکھنا قسمت کہ آپ اپنے پہ رشک آ جائے ہے

میں اُسے دیکھوں، بھلا کب مُجھ سے دیکھا جائے ہے

تقریر

دیکھنا تقریر کی لذّت کہ جو اُس نے کہا

میں نے یہ جانا کہ گویا یہ بھی میرے دل میں ہے

نِگاہ

دل سے تری نگاہ جگر تک اُتر گئی

دونوں کو اک ادا میں رضا مند کر گئی

داغِ دل

داغِ دل گر نظر نہیں آتا

بُو بھی اے چارہ گر نہیں آتی!

دلِ ناداں

دلِ ناداں تجھے ہوا کیا ہے

آخر اس درد کی دوا کیا ہے

بوسہ

دِکھا کے جُنبش لب ہی تمام کر ہم کو

نہ دے جو بوسہ تو مُنھ سے کہیں جواب تو دے

پردہ

در پردہ اُنھیں غیر سے ہے ربطِ نہانی

ظاہر کا یہ پردہ ہے کہ پردا نہیں کرتے

٭٭٭

صنم کدہ

دِل پھر طوائفِ کُوئے ملامت کو جائے ہے

پِندار کا صنم کدہ وِیراں کِیے ہُوئے

٭٭٭

ولی

دیکھیو غالبؔ سے گر اُلجھا کوئی

ہے ولی پوشیدہ اور کافر کُھلا

٭٭٭

دُکھ جی کے پسند ہو گیا ہے غالبؔ

دِل رُک رُک کر بند ہو گیا ہے غالبؔ

وللہ کِہ شب کو نیند آتی ہی نہیں

سونا سو گند ہو گیا ہے غالبؔ

٭٭٭

حرف "ڈ" سے اشعار

لباس

ڈھانپا کفن نے داغِ غُیوبِ برہنگی

میں ورنہ ہر لباس میں ننگِ وجود تھا

Dhanmpa kafan ne dagh e ghuoob e barhangi

Main warna har libass main nange wajood tha

مفہوم و تشریح:

فرماتے ہیں کہ میں اس قدر گناہگار اور عیب دار واقع ہوا تھا تھا کہ میرا وجود جو باعثِ شرم تھا کوئی لباس میری عریانی (ننگاپن) کو چھپا نہیں سکا، کفن ہی نے میرے گناہوں کے داغوں کی پردہ پوشی کی ہے۔

قاتل

ڈرے کیوں مرا قاتل، کیا رہے گا اُس کی گردن پر

وہ خُوں کو چشمِ تر سے عُمر بھر یُوں دَم بہ دَم نِکلے

حرف "ذ" سے شروع ہونے والے اشعار

رقیب

ذِکر اُس پری وش کا، اور پھر بیاں اپنا

بن گیا رقیب آخر’ تھا جو راز داں اپنا

Zikar us pari wesh ka, aur phir byaan apna

Ban gya raqeeb aakhir, tha jo raazdaan apna

ذرّہ

ذرّہ ذرّہ ساغرِ مے خانہ ء نیرنگ ہے

گردشِ مجنُوں بہ چشمک ہائے لیلیٰ آشنا

حرف "ر" سے اشعار

ریختے کے استاد

ریختے کے تمھیں اُستاد نہیں ہو غالبؔ

کہتے ہیں اگلے زمانے میں کوئی میرؔ بھی تھا

Rekhte ke tumheen ustaad nahi ho ‘ Ghalib’

Kehte hain agle zamane main koi ‘Meer’ bhi tha

گردش

رات دِن گردش میں ہیں سات آسماں

ہو رہے گا کُچھ نہ کُچھ، گھبرائیں کیا

Raat din gardish main hain saat aasmaan

Ho rahe ga kuch na kuch , ghabrayeen kya

خُدا کرے

رات کے وقت مَے پِیے، ساتھ رقیب کو لِیے
آئے وہ یاں خُدا کرے، پر نہ کرے خُدا، کہ یوں
Raat ke waqt ma’y piye, sath raqeeb ko liye
Aaye wo yaan Khuda kare, par na kare Khuda, keh yun

ہم سُخن

رہیے اب ایسی جگہ چل کر جہاں کوئی نہ ہو
ہم سُخن کوئی نہ ہو اور ہم زباں کوئی نہ ہو

درد

رکھیو غالبؔ مُجھے اِس تلخ نوائی میں مُعاف
آج کُچھ درد مِرے دِل میں سِوا ہوتا ہے

لہُو

رگوں میں دوڑنے پھرنے کے ہم نہیں قائل
جب آنکھ سے ہی نہ ٹپکا تو پھر لہُو کیا ہے

آرزُو

رہی نہ طاقتِ گفتار اور اگر ہو بھی
تو کِس اُمید پہ کہیے کہ آرزو کیا ہے

رونا

رونے سے اور عِشق میں بے باک ہو گئے

دھوئے گئے ہم اتنے کہ بس پاک ہو گئے

خطا

روک لو، گر غلَط چلے کوئی

بخش دو، گر خطا کرے کوئی

٭٭٭

روزہ

اِفطارِ صوم کی جسے کچھ دستگاہ ہو

اُس شخص کو ضرور ہے روزہ رکھا کرے

جس پاس روزہ کھول کے کھانے کو کچھ نہ ہو

روزہ اگر نہ کھائے تو ناچار کیا کرے!

حرف "ز" سے اشعار

راہ گزر

زِندگی یوں بھی گُزر ہی جاتی

کیوں تِرا راہ گُزر یاد آیا

Zindagi yun bhi guzar hi jati

Kiun tera raah guzar yaad aaya

زخم

زخم نے داد نہ دِی تنگیء دِل کی یا رب

تِیر بھی سِینہء بِسمل سے پُر افشاں نِکلا

Zakham ne daad na di tangi e dil ki ya Rab

Teer bhi seena e bismil se pur afshaan nikla

مفہوم و تشریح:

فرماتے ہیں کہ رب العالمین میرے زخم نے بھی میرے پریشان اور کم مایہ دل کی مدد نہ کی، اس کی کچھ طرفداری نہ کی۔ میرے مضطرب دل سے تیر کھینچا گیا تو خون کا فوؔارہ اُبل پڑا ، تیر کھینچتے وقت زخم ِ دل کو چاہیے تھا کہ وہ خود کو اتنا تنگ کرلیتا کہ خون باہر نہ نکلتا اور میری کم مائیگی کی لاج رہ جاتی کہ میرے جسم میں خون ہے ہی نہیں اور میں واقعی مظلوم ہوں اور قابلِ رحم ہوں۔

♦♥♦

زندگی

زندگی اپنی جب اس شکل سے گزری غالبؔ

ہم بھی کیا یاد کریں گے کہ خُدا رکھتے تھے!

محفل

زِندگی میں تو وُہ محفل سے اُٹھا دیتے تھے

دیکھُوں اب مر گئے پر کون اُٹھاتا ہے مُجھے

٭٭٭

زہر

زہر مِلتا ہی نہیں مُجھ کو، ستمگر! ورنہ

کیا قسم ہے ترے مِلنے کی کہ کھا بھی نہ سکُوں؟

٭٭٭

زباں

زباں پہ بارِ خُدایا! یہ کِس کا نام آیا

کہ میرے نُطق نے بوسے مِری زباں کے لِیے

حرف "س" سے اشعار

خاک کا رزق

سینے کا داغ ہے، وُہ نالہ کہ لب تک نہ گیا

خاک کا رِزق ہے وہ قطرہ کہ دریا نہ ہُوا

Seene ka dagh hai, wo naala keh lab tak na gaya

Khaak ka rizq hai wo qatra keh darya na howa

صورتیں

سب کہاں، کچھ لالہ و گُل میں نُمایاں ہو گئیں

خاک میں کیا صُورتیں ہوں گی کہ پنہاں ہو گئیں

Sab kahan, kuch lala o gul mein numayaan ho gayeen

Khaak mein kya soortain hoon ge keh pinhaan ho gayeen

خیالِ یار

سنبھلے دے مُجھے اے نا اُمیدی، کیا قیامت ہے

کہ دامانِ خیالِ یار چھوٹا جائے ہے مُجھ سے

حرف "ش" سے شروع ہونے والے اشعار

شوق

شوق ، ہر رنگ رقیب سرو ساماں نِکلا

قیس تصویر کے پردے میں بھی عُریاں نِکلا

Shooq, har rang raqeeb saro samaan nikla

Qais tasweer ke parde mein bhi uryaan nikla

زنداں

شرحِ اسبابِ گرفتاریء خاطر نہ پُوچھ

اِس قدر تنگ ہُوا دِل کہ میں زِنداں سمجھا

Sharh e asbaab giraftari e khatir na poch

Is qadar tang howa dil keh main zindaan samjha

٭٭٭

ادائے ناز

شرم اِک ادائے ناز ہے، اپنے ہی سے سہی

ہیں کِتنے بے حجاب کہ ہیں یُوں حِجاب میں

حرف "ص" سےاشعار

مِژگاں

صد جلوہ رُو بہ رُو ہے، جو مژگاں اُٹھائیے

طاقت کہاں کہ دِید کا اِحساں اُٹھائیے

صُحبت

صُحبت میں غیر کی نہ پڑی ہو کہیں یہ خُو

دینے لگا ہے بوسہ بغیر التجا کیے

٭٭٭

صادق

صادِق ہُوں اپنے قول میں غالبؔ خُدا گواہ

کہتا ہُوں سچ کہ جُھوٹ کی عادت نہیں مُجھے

حرف "ض" سے اشعار

ضُعف

ضُعف سے ہے، نے قناعت سے، یہ ترکِ جُستجُو

ہیں وبالِ تکیہ گاہِ ہمّتِ مردانہ ہم

٭٭٭

ضُعف سے اے گر یہ کچھ باقی مرے تن میں نہیں

رنگ ہو کر اُڑ گیا، جو خوں کہ دامن میں نہیں

٭٭٭

ضُعف میں طعنہء اغیار کا شکوہ کیا ہے

بات کُچھ سر تو نہیں کہ اُٹھا بھی نہ سکُوں

حرف "ظ" سے اشعار

ظلمت کدہ

ظلمت کدے میں میرے شبِ غم کا جوش ہے

اک شمع ہے دلیلِ سَحر سو خموش ہے

٭٭٭

ظالِم

ظالِم مرے گُماں سے مُجھے مُنفعل نہ چاہ

ہَے ہَے!خُدا نہ کردہ، تُجھے بے وفا کہُوں

حرف "ع" سےاشعار

فنا

عشرتِ قطرہ ہے دریا میں فنا ہو جانا

درد کا حد سے گُزرنا ہے دوا ہو جانا

Ishrat e qatra hai darya mein fana ho jana

Dard ka had se guzarna hai dawa ho jana

عِشق

عِشق سے طبیعت نے زِیست کا مزا پایا

دَرد کی دوا پائی، دردِ بے دوا پایا

Ishq se tabiat ne zeest ka maza paya

Dard ki dawa paye, darde be dawa paya

دِل

عرضِ نیازِ عشق کے قابِل نہیں رہا

جِس دِل پہ ناز تھا مُجھے، وُہ دِل نہیں رہا

Arz e niyaaz e ishq ke qabil nahi raha

Jis dil pe naaz tha mujhe , wo dil nahi raha

عاشقی، تمنّا

عاشقی صبر طلب اور تمنّا بے تاب

دِل کا کیا رنگ کروں خونِ جگر ہونے تک

Aashqi sabar talab aur tamanna be taab

Dil ka kya rang karoon khoon e jigar hone tak

عاشق

عاشق ہُوئے ہیں آپ بھی اک اور شخص پر

آخر سِتم کی کچھ تو مُکافات چاہیے

عُمر

عُمر بھر کا تُو نے پیمانِ وفا باندھا تو کیا

عُمر کو بھی تو نہیں ہے پائیداری ہائے ہائے

وحشت

عِشق مجھ کو نہیں، وحشت ہی سہی

میری وحشت، تری شُہرت ہی سہی

عشق

عشق نے غالبؔ نِکمّا کر دیا

ورنہ ہم بھی آدمی تھے کام کے

آتش

عِشق پر زور نہیں ہے یہ وہ آتش غالبؔ

کہ لگائے نہ لگے اور بُجھائے نہ بنے

حرف "غ" سے اشعار

غم خوار دوست

غیر یُوں کرتا ہے میری پرسش اُس کے ہجر میں

بے تکلُّف دوست ہو جیسے کوئی غم خوارِ دوست

Ghair yun karta hai meri pusish us ke hijr mein

Be takulluf dost ho jese koi gham khawar e dost

غمِ عشق

غم اگرچہ جاں گُسل ہے، پہ بچیں کہاں کہ دِل ہے

غمِ عشق اگر نہ ہوتا، غمِ روزگار ہوتا

Gham agarche jaan gusal hai, pa bachen kahan keh dil hai

Gham e ishq agar na hota, gham e roozgar hota

غمِ ہستی

غمِ ہستی کا اسد کِس سے ہو جُز مرگ عِلاج

شمع ہر رنگ میں جلتی ہے سحر ہونے تک

Gham e hasti ka ‘ Asad’ kis se ho juz merg elaaj

Shama har rang mein jalti hai sahar hone tak

عقیدہ

غالبؔ اپنا یہ عقیدہ ہے بقول ناسخؔ

"آپ بے بہرہ ہے، جو معتقدِ میرؔ نہیں”

‘Ghalib’ apna ye aqeeda hai baqool ‘ Nasikh’

"Aap be behra hai, jo motqadde ‘ Meer’ nahi”

شراب

غالبؔ چُھٹی شراب پر اب بھی کبھی کبھی

پِیتا ہُوں روزِ ابر و ماہتاب میں

‘Ghalib’ chooti sharaab par ab bhi kabhi kabhi

Peeta hoon roz e abr e mahtaab main

ندیمِ دوست

غالبؔ ندیمِ دوست سے آتی ہے بُوئے دوست

مشغولِ حق ہُوں بندگی ء بُو تُراب میں

‘Ghalib’ nadeem e dost se aati hai boo e dost

Mashghool e haq hoon bandagi e buturaab mein

٭٭٭

طوفاں

غالبؔ ہمیں نہ چھیڑ، کہ پھر جوشِ اشک سے

بیٹھے ہیں ہم تہیّہء طوفاں کِیے ہُوئے

ہائے ہائے

غالبؔ ِ خستہ کے بغیر کون سے کام بند ہیں

روئیے زار زار کیا، کیجیے ہائے ہائے کیوں؟

Ghalib e khasta ke bhair kon se kaam band hain

Royee zar zar kya, kijye haye haye kiun?

بوسہ

غُنچہ نا شُگفتہ کو دُور سے مت دِکھا، کہ یُوں’

بوسے کو پوچھتاہُوں میں مُنھ سے مُجھے بتا، کہ یُوں

Guncha na shugufta ko door se mat dikha, keh yun

Bos’se ko pochta hoon main munh se mujhe bta, keh yun

خُسرَو شیریں سُخن

غالبؔ! مرے کلام میں کیوں کر مزہ نہ ہو

پِیتا ہُوں دھو کے خُسروِ شیریں سُخن کے پاؤں

Ghalib! mere kalaam mein kiun kar maza na ho

Peeta hoon dho ke Khusru e shireen sukhan ke pa’oon

غیر

غیر پھرتا ہے یوں ترے خط کو کہ اگر

کوئی پوچھے کہ یہ کیا ہے تو چھپائے نہ بنے

واعِظ

غالبؔ بُرا نہ مان جو واعِظ بُرا کہے

ایسا بھی کوئی ہے کہ سب اچھّا کہیں جسے؟

٭٭٭

غمِ شبّیرؑ

غمِ شبّیر سے ہو سِینہ یہاں تک لبریز

کہ رہیں خونِ جگر سے مِری آنکھیں رنگیں

حرف "ف" سے اشعار

فکرِ دُنیا

فکرِ دُنیا میں سر کھپاتا ہُوں

مَیں کہاں اور یہ وبال کہاں

Fikr e Dunya mein sar khapata hoon

Mein kahan aur ye wabaal kahan

فریاد

فریاد کی کوئی لَے نہیں ہے

نالہ پابندِ نَے نہیں ہے

دوستی

فائدہ کیا! سوچ، آخر تُو دانا ہے اسدؔ

دوستی ناداں کی ہے جی کا زیاں ہو جائے گا

فلک

فلک کو دیکھ کے کرتا ہُوں اُس کو یاد اسدؔ

جفا میں اِس کی ہے انداز کار فرما کا

فنا

فنا تعلیمِ درس بے خُودی، ہُوں اُس زمانے سے

کہ مجنُوں لام الِف لکھتا تھا دیوارِ دبِستاں پر

حُسن

فروغؐ حُسن سے ہوتی ہے حلّ ہر مشکلِ عاشق

نہ نِکلے شمع کے پا سے، نِکالے گر نہ خارِ آتش

حرف "ق" سے اشعار

قاصد

قاصِد کی اپنے ہاتھ سے گردن نہ ماریے

اُس کی خطا نہیں ہے یہ میرا قصُور تھا

Qasid ki apne hath se gardan na marye

Us ki khata nahi hai ye mera qasoor tha

دِیدہء بینا

قطرے میں دجلہ دکھائی نہ دے اور جُزو میں کُل

کھیل لڑکوں کا ہُوا، دِیدہء بِینا نہ ہُوا

Qatre mein dajla dikhai na de aur juz’o mein kul

Khel larkon ka howa, deeda e beena na howa

قرض

قرض کی پِیتے تھے مے لیکن سمجھتے تھے کہ ہاں

رنگ لائے گی ہماری فاقہ مستی ایک دِن

Qarz ki pete the mey lekin samajhte the keh haan

Rang laye gi hamari faqa masti aik din

خط

قاصد کے آتے آتے خط اِک اور لِکھ رکھوں

میں جانتا ہُوں جو وہ لکھیں گے جواب میں

Qasid ke aate aate khat ik aur likh rakhun

Main janta hoon jo wo likhen

gay jawab mein

عداوت

قطع کیجے نہ تعلُق ہم سے

کُچھ نہیں تو عداوت ہی سہی

قَسَم

قَسَم جنازے پہ آنے کی میرے کھاتے ہیں غالبؔ

ہمیشہ کھاتے تھے جو میری جان کی قسم آگے

کاش

قہر ہو یا بلا ہو، جو کُچھ ہو

کاش کہ تم مِرے لِیے ہوتے

کافِر

قِیامت ہے کہ ہووے مُدّعی کا ہم سفر غالبؔ

وہ کافِر جو خُدا کو بھی نہ سونپا جائے ہے مُجھ سے

حرف "ک” سے اشعار

زُود پشیماں

کی مرےقتل کے بعد اُس نے جفاسے توبہ

ہائے اُس زُود پشیماں کا پشیماں ہونا

Ki mere qatal ke baad usne jafa se toba

Haye us zood pashemaan ka pashemaan hona

ویرانی

کوئی وِیرانی سی وِیرانی ہے!

دشت کو دیکھ کے گھر یاد آیا

Koi veerani si veerani hai!

Dasht ko dykh ke ghar yaad aaya

خدائی

کیا وہ نمرُود کی خدائی تھی؟

بندگی میں مرا بھلا نہ ہُوا

Kya wo Namrood ki khudai thi?

Bandagi mein mera bhala na howa

غزل سَرا

کچھ تو پڑھیے کہ لوگ کہتے ہیں

آج غالبؔ غزل سَرا نہ ہُوا

Kuch to parhye keh log kehte hain

Aaj ‘Ghalib’ gazal sara na howa

شکایت

کِس سے محرومیء قسمت کی شکایت کیجیے

ہم نےچاہا تھا کہ مر جائیں’ سو وُہ بھی نہ ہُوا

Kis se mehroom e qismat ki shikayat kijye

Hum ne chaha tha ke mar jayen, so wo bhi na howa

مفہوم و تشریح:

فرماتے ہیں کہ ہم اپنی بد قسمتی کی کس شکایت کریں جب کہ ہماری مرضی کے مطابق کبھی کچھ ہوا ہی نہیں اس سے زیادہ اور محرومی کیا ہوسکتی ہے کہ ہم نے موت جیسی بھیانک چیز کی تمنّا کی تو وہ بھی نصیب نہیں ہوئی۔ یہاں حضرت راضی برضائے محبوب نظر آتے ہیں مگر بہ مجبوری۔

♦♥♦

غمِ روزگار

کم جانتے تھے ہم بھی غمِ عشق کو،پر اَب

دیکھا تو کم ہوئے پہ غمِ روزگار تھا

Kam jante the hum bhi gham e ishq ko, par ab

Dykhna to kam howe pe gham e roozgar tha

♦♥♦

تیرِ نیم کش

کوئی میرے دل سے پوچھے ترے تیر ِ نیم کش کو

یہ خلِش کہاں سے ہوتی جو جگر کے پار ہونا

Koi mere dil se poche tere teer e neem kash ko

Ye khalish kahan se hoti jo jigar ke paar hona

مفہوم و تشریح:

یہاں حضرت غالبؔ نے محبوب کی تیکھی نگاہ کو تیرِ نیم کش یعنی آدھا کچھا ہو تیر کہا ہے۔ جو انتہائی حسین استعارہ ہے۔ فرماتے ہیں تیری اس نظر نے مجھے زخمی کر دیا ہےجیسے کوئی تیر جگر میں کُھب جائے۔ جو اس جلن کا مزہ ہے یہ ہر گز نہ ہوتا اگر تیری نظر کا تیر آر پار ہو جاتا۔ اور وہ لطف کہاں نصیب ہوتا جو اب ہو رہا ہے۔

♦♥♦

شبِ غم

کہوں کس سے میں کہ کیا ہے شبِ غم بُری بلا ہے

مجھے کیا بُرا تھا مرنا، اگر ایک بار ہوتا

Kahun kis se main keh kya hy shab e gham buri bla hy

Mujhe kya bura tha marna, agar aik baar hota

مفہوم و تشریح:

فرماتے ہیں کہ کس سے کہوں کہ یہ جدائی کی رات کیسی تکلیف دہ رات ہوتی ہے۔ اور یہ اگر اک بار کا واقعہ ہوتا تو برداشت کر لیتا لیکن یہ روز روز کا مرنا میرے بس میں نہیں، ایسی زندگی سے تو ایک بار ہی موت آجائے کیونکہ روز روز کے مرنے سے ایک بار مر جانا بہتر ہے۔

لب

کِتنے شیریں ہیں تیرے لب کہ رقیب

گالیاں کھا کے بے مزا نہ ہُوا

Kitne shireen hain tere lab keh raqeeb

Galian kha ke be maza na howa

ستم گر

کام اُس سے آپڑا ہے کہ جس کا جہان میں

لیوے نہ کوئی نام سِتمگر کہے بغیر

Kaam us se aa para hy keh jis ka jahaan mein

Lewe na koi naam sitamgar kahe baghair

اُمید

کہتے ہیں ، جیتے ہیں اُمّید پہ لوگ

ہم کو، جینے کی بھی اُمّید نہیں

Kehte hain, jeete hain umeed pe log

Hum ko, jeene ki bhi umeed nahi

جہانِ خراب

کب سے ہو ں ، کیا بتاؤں جہانِ خراب میں

شب ہائے ہِجر کو بھی رکھوں گر حساب میں

Kab se hun, kya btaon jahaan e kharab mein

Shab haye hijr ko bhi rakhun gar hisaab mein

اِنسان ہوں

کیوں گردشِ مُدام سے گھبرا نہ جائے دِل

اِنسان ہُوں، پیالہ وہساغر نہیں ہُوں میں

Kiun gardish e maddam se ghabra na jaye dil

Insaan hoon , pyala o saghar nahi hoon main

زبان

کیا خُوب، تم نے غیر کو بوسہ نہیں دیا؟

بس چُپ رہو ہمارے بھی مُنھ میں زبان ہے

رُسوا

کُھلتا کسی پہ کیوں مِرے دل کا مُعاملہ

شعروں کے انتخاب نے رُسوا کیا مجھے

تُہمتیں

کِس روز تُہمتیں نہ تراشا کیے عدو

کِس دن ہمارے سر پر نہ آرے چلا کیے

اُمید

کوئی امید بر نہیں آتی

کوئی صورت نظر نہیں آتی

کعبے

کعبے کِس منھ سے جاؤ گے غالبؔ

شرم تم کو مگر نہیں آتی

کہانی

کب وہ سُنتا ہے کہانی میری

اور پھر وہ بھی زبانی میری

جلوہ گری

کَہ سکے کون کہ یہ جلوہ گری کس کی ہے

پردہ چھوڑا ہے وہ اُس نے کہ اُٹھائے نہ بنے

ہجرِ یار

کہُوں کیا، دلِ کی کیا حالت ہے ہجرِ یار میں غالبؔ

کہ بے تابی سے ہر یک تارِ بِستر خارِ بستر ہے

تغافُل

کرنے گئے تھے اُس سے تٖغافُل کا ہم گِلہ

کی ایک ہی نگاہ کہ بس خاک ہو گئے

حاجت مند

کون ہے جو نہیں ہے حاجت مند

کِس کی حاجت رَوا کرے کوئی

رہنما

کیا کِیا خِضر نے سِکندر سے

اب کِسے رہنما کرے کوئی

میخانہ

کہاں میخانے کا دروازہ غالبؔ! اور کہاں واعِظ

پر اِتنا جانتے ہیں، کل وُہ جاتا تھا کہ ہم نکلے

٭٭٭

کیا فرض ہے کہ سب کو مِلے ایک سا جواب

آؤ نہ ہم بھی سیر کریں کوہِ طُور کی

حرف "گ" سے شروع ہونے والے اشعار

ترے خیال

گو میں رہا رہینِ ستم ہائے روزگار

لیکن ترے خیال سے غافل نہیں رہا

Go main raha raheen e sitam haye roozgar

Lekin tere khayal se ghafil nahi raha

♦♥♦

فریب

گرچہ ہُوں دیوانہ پَر کیوں دوست کا کھاؤں فریب

آستیں میں دَشنہ پنہاں، ہاتھ میں نِشتر کھلا

Garche hoon diwaana par kiun dost ka khaon faraib

Aasteen mein dashna pinhaan, hath mein nishtar khula

♦♥♦

پری پیکر

گو نہ سمجھوں اُس کی باتیں، گو نہ پاؤں اُس کا بَھید

پر یہ کیا کم ہے کہ مجھ سے وہ پری پیکر کھلا

Go na samjhun us ki batain , go na paon us ka bhaid

Par ye kya kam hai keh mujh se wo pari pekar khula

مفہوم و تشریح: کہتے ہیں کہ بھلے ہی میں اس کو نہیں جانتا کہ وہ کس طبیعت کس مزاج کا ہے اور نہ ہی اس کے کسی راز سے واقف ہوں وہ با لکل میرے لیے نیا ہے، اجنبی ہے اس سب کے باوجود مجھ سے بے تکلف ہو گیا ہے یہ کم بات نہیں ہے۔

♦♥♦

بیاباں

گھر ہمارا جو نہ ہوتے بھی تو ویراں ہوتا

بحر گر بحر نہ ہوتا تو بیاباں ہوتا

Ghar hamara jo na hote bhi tu veeraan hota

Behr gar behr na hota tu byabaan hota

گریہ

گِریَہ چاہے ہے خرابی مرے کاشانے کی

در ودیوار سے ٹپکے ہے بیاباں ہونا

Girya chahe hai kharabi mere kashane ki

Dar o diwaar se tapke hai byabaan hona

اختیار

گِریہ نکالے ہے تری بزم سے مُجھ کو

ہائے کہ رونے پہ اِختیار نہیں ہے

معنی

گنجینہ معنی کا طِلسم اُس کو سمجھیے

جو لفظ کہ غالبؔ مِرے اشعار میں آوے

ساغر و مینا

گو ہاتھ کو جُنبش نہیں آنکھوں میں تو دم ہے

رہنے دو ابھی ساغر و مِینا مِرے آگے

٭٭٭

بُت

گو واں نہیں’ پہ واں کے نکالے ہُوئے تو ہیں

کعبے سے اِن بُتوں کو بھی نسبت ہے دُور کی

حرف "ل" سے شروع ہونے والے اشعار

تنہا

لازِم تھا کہ دیکھو مرا رستا کوئی دِن اور

تنہا گئے کیوں، اب رہو تنہا کوئی دِن اور

Lazim tha keh dykho mera rasta koi din aur

Tnha gaye kiun, ab raho tanha koi din aur

لطافت

لطافت بے کثافت جلوہ پیدا کر نہیں سکتی

چمن زنگار ہے آئینہء بادِ بہاری کا

Latafat be kasafat jalwa peda kar nahi sakti

Chaman zangar hy aayena e bad e bahari ka

سُخنِ گرم

لِکھتا ہوں اسدؔسوزشِ دل سے سُخنِ گرم

تا کہ رکھ نہ سکے کوئی مِرے حرف پر انگُشت

Likhta hoon ‘Asad’ sozish e dil se sukhan e garm

Ta ke rakh na sake koi mere harf par angusht

بوسہ

لے تو لوں سوتے میں اُس کے پاؤں کا بوسہ مگر

ایسی باتوں سے وہ کافر بد گماں ہو جائے گا

Le to lunn sote mein us ke paon ka bosa magar

Aisi baton se wo kafir bad gumaan ho jaye ga

توقُّع

لیے جاتی ہے کہیں ایک توقُّع غالبؔ

جادہء رہ کششِ کافِ کرم ہے ہم کو

Liye jati hai kahiin aik tawaqqo Ghalib

Jadaa e reh kashish e kaaf e karam hai hum ko

جُنُوں

لکھتے رہے جُنوں کی حکایاتِ خُوں چَکاں

ہر چند اس میں ہاتھ ہمارے قلم ہُوئے

حرف "م" سے شروع ہونے والے اشعار

مجنُوں

میں نے مجنُوں پہ لڑکپن میں اسدؔ

سنگ اُٹھایا تھا کہ سر یاد آیا

Main ne majnoon pe larakpan mein ‘Asad’

Sang uthaya tha keh sar yaad aaya

قاتل

مرنے کی اے دِل اور ہی تدبیر کر کہ میں

شایانِ دست و بازوئے قاتل نہیں رہا

Marne ki aey dil aur hi tadbeer kar keh main

Shayaan e dast o bazu e qatil nahi raha

آنکھیں

مُند گئیں کھولتے ہی کھولتے آنکھیں غالبؔ

یار لائے مِری بالِیں پہ اُسے، پر کِس وقت!

Mund gayen kholte hi kholte aankhain ‘GHalib’

Yaar laye meri baleen pe use, par kis waqt

ستمگر

میں نے چاہا تھا کہ اندوہِ وفا سے چُھوٹوں

وہ سِتمگر مِرے مرنے پہ بھی راضی نہ ہُوا

Main ne chaha tha keh andoh e wafa se chotoon

Wo sitam gar mere marne pe bhi razi na howa

بوئے گُل

محبت تھی چمن سے لیکن، اب یہ بے دماغی ہے

کہ موجِ بوئے گل سے ناک میں آتا ہے دم میرا

Muhabbat thi chaman se lekin, ab ye be dimaghi hy

Keh moj e boye gul se naak mein aata hy dam mera

مری تعمیر

مری تعمیر میں مضمر ہے اک صُورت خرابی کی

ہَیولیٰ برقِ خِرمن کا ہے خُونِ گرم دہقاں کا

Meri tameer mein muzmir hy ik surat kharabi ki

Hayula barq e khirman ka hy khoon e garm dehqaan ka

مفہوم و تشریح: شعر نہایت معنی خیز ہے فرماتے ہیں کہ میری تخلیق ہی میں اک خرابی کی صورت چھپی ہوئی ہے یعنی ایک عیب پیدائشی ہے جو میرے ہی اندر نہیں بلکہ ہر انسان کے دل میں چھپاہوا ہے اور وہ خرابی یہ ہے کہ جن انسان اللہ کے کرم سے ترقی کر کے بلندی حاصل کر لیتا ہے تو وہ مغرور ہو جاتا ہے اور خدا کو بھول جاتا ہے بجائے اُس کا شکر ادا کرنے کے اس ترقی کو اپنی محنت کا ثمر سمجھتا ہے اور کہتا ہے کہ یہ میری کمائی ہے کہ سب میرے خونِ گرم کی بدولت ہےبالاخر قہر آ ہی کی بجلی اس کو خاکستر بنا کے رکھ دیتی ہے یہاں ہیولیٰ سبب کے معنوں میں استعمال ہوا ہے۔

♦♥♦

دمِ عیسیٰ

مر گیا صدمہء یک جنبشِ لب سے غالبؔ

نا تُوانی سے حریف دمِ عیسی نہ ہُوا

Mar gya sadma e yak junbish e lab se ‘Ghalib’

Na tawani se hareef dam e Esa na howa

ساقی

میں اور بزمِ مے سے یوں تَشنہ کام آؤں

گر میں نے کی تھی توبہ، ساقی کو کیا ہُوا تھا

Main aur bazm e mey se yun tashna kaam aaon

gar main ne ki thi toba, saaqi ko kya howa tha

عاشقِ بیمار

مُند گئیں کھولتے ہی کھولتے آنکھیں’ ہے ہے!

خُوب وقت آئے تم اِس عاشقِ بیمار کے پاس

Mund gayen kholte hi kholte aankhain, hy hy!

Khoob waqt aaye tum is aashiq e bimaar ke pass

وقت

مہربان ہو کے بُلا لو ، مُجھے ، چاہو جِس وقت

میں گیا وقت نہیں ہُوں کہ پھر آ بھی نہ سکُوں

Mehrbaan ho ke bula lo, mujhe chaho jis waqt

main gaya waqt nahi hoon keh phir aa bhi na sakun

زنجیر

مانعِ دشت نوَردی کوئی تدبیر نہیں

ایک چکّر ہے میرے پاؤں میں ‘ زنجیر نہیں

Maneh dasht Nwardi koi tadbeer nahi

Aik chakkar hai mere paon mein, zanjeer nahi

قیامت

میں جو کہتا ہوں کہ ہم لیں گے قیامت میں تمھیں

کِس رُعُونت سے وہ کہتے ہیں کہ ہم حُور نہیں

Main jo kehta hoon keh hum lain gay qia’amat mein tumhain

Kis ruoo’nat se wo kehte hain keh hum hoor nahi

غزل خواں

میں چمن میں کیا گیا، گویا دبستاں کھُل گیا

بُلبُلیں سُن کر مرے نالے غزل خواں ہو گئیں

Main chaman mein kya gya, goya dabistaan khul gaya

Bulbulain sun kar mere naale ghazal khawan ho gayen

سِتم ظریف

میں نے کہا کہ بزمِ ناز چاہیے غیر سے تِہی

سُن کے سِتم ظریف نے مُجھ کو اُٹھا دیا ، کہ یُوں

Main ne kaha bazm e naaz chaye ghair se tahi

Sun ke sitam zareef ne mujh ko utha diya, keh yun

بیخُودی

مَے سے غرض نَشاط ہے کِس رُو سیاہ کو

اِک گُو نہ بیخودی مُجھے دِن رات چاہیے

زِندگی

مُجھ سے مت کہ، "تُو ہمیں کہتا تھا اپنی زندگی”

زِندگی سے بھی مِرا جی اِن دنوں بیزار ہے

خاک

مقدور ہو تو خاک سے پوچھوں کہ اے لئیم

تُو نے وہ گنج ہائے گِراں مایہ کیا کیے

جوانی

مارا زمانے نے اسد اللہ خاں تمھیں

وہ ولوے کہاں وہ جوانی کدھر گئی

موت

موت کا ایک دن معین ہے

نیند کیوں رات بھر نہیں آتی

مرتے ہیں آرزو میں مرنے کی

موت آتی ہے پر نہیں آتی

یا رب

میری قِسمت میں غم گر اتنا تھا

دِل بھی یا رب کئی دیے ہوتے

نا امیدی

مُنحصر مرنے پہ ہو جس کی اُمید

نا امیدی اُس کی دیکھا چاہیے

موت

موت کی راہ نہ دیکھوں ؟ کہ بِن آئے نہ رہے

تُم کو چاہوں ؟ کہ نہ آؤ تو بُلائے نہ بنے

آنکھیں

مُنھ نہ دکھلاوے، نہ دِکھلا، پر بہ اندازِ عتاب

کھول کر پردہ ذرا آنکھیں ہی دِکھلادے مُجھے

رنگ

مت پوچھ کہ کیا حال ہے میرا تِرے پیچھے

تُو دیکھ کہ کیا رنگ ہے تیرا مِرے آگے

مدّعا

میں بھی منھ میں زبان رکھتا ہوں

کاش پُوچھو کہ مُدّعا کیا ہے

مَحبّت

مَحبّت میں نہیں ہے فرق جینے اور مرنے کا

اُسی کو دیکھ کر جیتے ہیں جس کافر پہ دم نِکلے

٭٭٭

مہماں

مُدّت ہوئی ہے یار کو مہماں کیے ہُوئے

جوشِ قدَح سے بزم چراغاں کیے ہوئے

٭٭٭

پریشاں

مانگے ہے پھر کِسی کو لبِ بام پر ہوس

زُلفِ سیاہ رُخ پہ پریشاں کِیے ہُوئے

حرف "ن" سے شروع ہونے والے اشعار

خدا

نہ تھا کُچھ تو خُدا تھا، کچھ نہ ہوتا تو خُدا ہوتا

ڈبویا مجھ کو ہونے نے، نہ ہوتا میں تو کیا ہوتا

Na tha kuch khuda tha, kuch na hota to khuda hota

Daboya mujh ko hone ne, na hota main to kya hota

نقش فریادی

نقش فریادی ہے کِس کی شوخی ءتحریر کا؟
کاغذی ہے پیرہن ہر پیکرِ تصویر کا
Naqsh Faryadi hai kis ki shokhi e tehreer ka?
Kaghzi hai pairhan har pekar e tasweer ka

مفہوم: فرماتے ہیں کہ یہ نقشِ دنیا فریاد کر رہا ہے کہ میرا بنانے والا کون ہے کس نے یہ حسین مذاق کیا ہے کہ میری ہر شے اپنی جگہ نہایت خوبصورت اور لاثانی ہے مگر سب کاغذی نا پائیدار اور فانی ہے۔

اجزائے پریشاں

نظر میں ہے ہماری جادہء راہِ فنا غالبؔ

کہ یہ شیرازہ ہے عالم کے اجزائے پریشاں کا

Nazar mein hai hamari jadah rah e fana ‘Ghalib’

Keh ye sheeraza hai aalam ke ajzaye preshaan ka

درو دیوار

نہ کَہہ کسی سے، کِہ غالبؔ نہیں زمانے میں

حریفِ رازِ محبّت ، مگر دَر و دِیوار

Na keh kisi se, keh ‘Ghalib’ nahi zamane mein

Hareef e raaz e muhabbat, magar dar o diwaar

بیاباں

نقصان نہیں جنوں میں ، بلا سے ہو گھر خراب

سو گز زمیں کے بدلے بیاباں گِراں نہیں

Nuqsaan nahi janoon mein, blaa se ho ghar kharaab

So gaz zameen ke badle byabaan giraan nahi

تیری زُلفیں

نِیند اُس کی ہے’ دماغ اُس کا ہے’ راتیں اُس کی ہیں

تیری زُلفیں جس کے بازُو پر پریشاں ہو گئیں

Neend uski hai, dimaagh us ka hai, ratain uski hain

Teri zulfain jis ke bazu par preshaan ho gayen

غمِ دل

نُکتہ چیں ہے غمِ دل اُس کو سُنائے نہ بنے

کیا بنے بات، جہاں بات بنائے نہ بنے

بُرا

نہ سُنو، گر بُرا کہے کوئی

نہ کہو، گر بُرا کرے کوئی

خُلد

نکلنا خُلد سے آدم کا سُنتے آئے ہیں لیکن

بُہت بے آبرو ہو کر تِرے کوچے سے ہم نکلے

گناہ

ناکردہ گُناہوں کی بھی حسرت کی ملے داد

یا رب اگر ان کردہ گُناہوں کی سزا ہے

حرف "و" سے شروع ہونے والے اشعار

سِتم

وا حسرتا کہ یار نے کھینچا سِتم سے ہاتھ

ہم کو حریصِ لذتِ آزار دیکھ کر

Wa Hasrata keh yaar ne kheencha sitam se hath

Hum ko harees e lazzat e aazar dykh kar

خدا کی قدرت

وہ آئے گھر میں ہمارے، خُدا کی قدرت ہے

کبھی ہم اُن کو کبھی اپنے گھر کو دیکھتے ہیں

Wo aaye ghar mein hamare, Khuda ki qudrat hai

Kabhi hum un ko kabhi apne ghar ko dykhte hain

وفاداری

وفاداری بشرطِ اُستواری، اصل ایماں ہے

مَرے بُت خانے میں تو کعبے میں گاڑو برہمن کو

Wafadari ba shart e ustawari, asal imaan hai

Marre butt khane mein tu kaabe mein garroo Ba’rehman ko

اپنی خُو نہ چھوڑیں

وہ اپنی خُو نہ چھوڑیں گے، ہم اپنی وضع کیوں چھوڑیں

سُبُک سر بن کے کیا پوچھیں کہ ہم سے سرگِراں کیوں ہو

Wo apni khu na chorain gay, hum apni waza kiun chorain

Subuk sar ban ke kya pochain keh hum se sir giraan kiun ho

شورِ محشر

وائے، واں بھی شورِ محشر نے نہ دم لینے دیا

لے گیا تھا گور میں ذوقِ تن آسانی مُجھے

نگاہِ ناز

وہ نِشتر سہی پر دِل میں جب اُتر جاوے

نِگاہِ ناز کو پھر کیوں نہ آشنا کہیے

حرف "ہ" سے شروع ہونے والے اشعار

دشمن آسماں

ہم کہاں کے دانا تھے، کس ہُنر میں یکتا تھے

بے سَبب ہُوا غالبؔ دشمن آسماں اپنا

Hum kahan ke danaa the, kis hunar mein yakta the

Be sabab howa ‘Ghalib’ dushman aasmaan apna

بے حِس

ہُوا جب غم سے یُوں بے حس تو غم کیا سر کے کٹنے کا

نہ ہوتا گَر جُدا تن سے تو زانو پہ دھرا ہوتا

Howa jab gham se yun be his to gham kya sar ke katne ka

Na hota gar juda tan se to zano pe dhara hota

ہوئی مدت

ہُوئی مدّت کہ غالبؔ مر گیا ، پر یاد آتا ہے

وہ ہر اک بات پر کہنا کہ یُوں ہوتا تو کیا ہوتا

Hovi muddat keh ‘Ghalib’ mar gaya, par yaad aata hai

Wo her ik baat par kehta keh yun hota to kya hota

تاخیر

ہوئی تاخیر تو کُچھ باعثِ تاخیر بھی تھا

آپ آتے تھے ، مگر کوئی عِناں گیر بھی تھا

Hovi takheer to kuch baiss e takheer bhi tha

Aap aate the, magar koi eenaan geer bhi tha

خیالِ حُسن

ہےخیالِ حُسن میں حُسنِ عمل کا سا خیال

خُلد کا اِک دَر ہے میری گور کے اندر کھلا

Hai khayal e husn mein hussn e amal ka sa khayal

Khuld ka ik dar hai meri goor ke andar khula

مفہوم و تشریح: فرماتے ہیں کہ مرنے کے بعد بھی مجھے حُسن بُتاں کا منظر دکھائی دے رہا ہے جیسے واقعی میں بہت اچھے اعمال کا مُرتکب رہا ہوں اور اُس کے صلہ میں جنت کا دروازہ میری قبر مین کھول دیا گیا ہے۔

♦♥♦

قحطِ غمِ الفت

ہے اب اِس معمورے میں قحطِ غمِ اُلفت اسدؔ

ہم نے یہ مانا کہ دِلّی میں رہیں، کھائیں گے کیا؟

Hai ab is mamoore mein qeht e gham e ulfat ‘Asad’

Hum ne ye mana keh Dilli mein rahen, khayen gay kya?

رُسوا

ہُوئے مر کے ہم جو رُسوا، ہوئے کیوں نہ غرقِ دریا

نہ کبھی جنازہ اُٹھتا، نہ کہیں مزار ہوتا

Howe mar ke ham jo ruswa, howe kiun na gharq darya

Na kabhi janaza uthta, na kahin mazaar hota

خبر گرم

ہے خبر گرم اُن کے آنے کی

آج ہی گھر میں بوریا نہ ہُوا

Hai khabar garm un ke aane ki

Aaj hi ghar mein boriya na howa

مشاہدہ حق

ہر چند ہو مشاہَدہء حق کی گفتگو

بنتی نہیں ہے بادہ و ساغَر کہے بغیر

Har chand ho mushahida e Haq ki guftagu

Banti nahi hai badah o saghar kahe bagair

اندازِ بیان

ہیں اور بھی دُنیا میں سُخن وَر بُہت اچھے

کہتے ہیں کہ غالبؔ کا ہے اندازِ بیاں اور

Hain aur bhi dunya mein sukhan war bohat achhe

Kehte hain keh ‘Ghalib’ ka hai andaz e bayan aur

تغافل

ہم نے مانا کہ تغافُل نہ کرو گے لیکن

خاک ہو جائیں گے ہم’ تُم کو خبر ہونے تک

Ham ne mana keh taghaful na karo gay lekin

Khak ho jayen gay ham, tum ko khabar hone tak

قبلہ نما

ہے پرے سرحدِ ادراک سے اپنا مسجُود

قِبلے کو اہلِ نظر قِبلہ نُما کہتے ہیں

Hai pare sarhad e adraak se apna masjood

Qible ko ahl e nazar qibla numa kehte hain

گُستاخیء فرشتہ

ہیں آج کل کیوں ذلیل، کہ کل تک نہ تھی پسند

گُستاخیء فِرشتہ ہماری جناب میں

Hain aaj kal kiun zaleel, keh kal tak na thi pasand

Gustakhi e farishta hamari janab mein

خاک

ہُوا ہوں، عشق کی غارت گری سے شرمندہ

سوائے حسرتِ تعمیر گھر میں خاک نہیں

Howa hoon, Ishq ki gharat gari se sharminda

Siwaye hasrat e tameer ghar mein khaak nahi

خُدا پرست

ہاں وہ نہیں خدا پرست، جاؤ وہ بے وفا سہی!

جس کو ہو دین و دل عزیزاُس کی گلی میں جائے کیوں

Haan wo nahi Khuda parast, jao wo be wafa sahi

Jis ko ho deen o dil azeez uski gali mein jaye kiun

مجنُوں

ہر اک مکان کو ہے مکیں سے شرف اسدؔ

مجنُوں جو مر گیا ہے تو جنگل اُداس ہے

پری رُخ

ہو کے عاشق وہ پری رُخ اور نازک بن گیا

رنگ کُھلتا جائے ہے جتنا کہ اُڑتا جائے ہے

بات

ہے کُچھ ایسی ہی بات جو چُپ ہوں

ورنہ کیا بات کر نہیں آتی

خبر

ہم وہاں ہیں جہاں سے ہم کو بھی

کچھ ہماری خبر نہیں آتی

ماجرا

ہم ہیں مُشتاق اور وہ بیزار

یا الہٰی یہ ماجرا کیا ہے

وفا

ہم کو اُن سے وفا کی ہے اُمّید

جو نہیں جانتے وفا کیا ہے

درویش

ہاں بھلا کر تیرا بھلا ہو گا

اور درویش کی صدا کیا ہے

فنا

ہستی ہماری اپنی فنا پر دلیل ہے

یاں تک مِٹے کہ آپ ہم اپنی قَسَم ہُوئے

اندازِ گفتگو

ہر ایک بات پہ کہتے ہو تُم، کہ تُو کیا ہے

تمھی کہو کہ یہ اندازِ گفتگو کیا ہے

آبرو

ہُوا ہے شہ کا مُصاحب ‘ پھرے ہے اِتراتا

وگرنہ شہر میں غالبؔ کی آبرُو کیا ہے

منزل

ہر قدم دُوری منزل ہے نُمایاں مُجھ سے

میری رفتار سے بھاگے ہے بیاباں مُجھ سے

تُو ہے

ہر چند ہر ایک شے میں تُو ہے

پر تُجھ سی تو کوئی شے نہیں ہے

فریب

ہاں کھائیو مت فریبِ ہستی

ہر چند کہیں کہ ہے، نہیں ہے

صحرا، دریا

ہوتا ہے نہاں گرد میں صحرا مِرے آگے

گِھستا ہے جبیں خاک پہ دریا مِرے آگے

نغمہ

ہم نشیں مت کَہ، کِہ برہم کر نہ بزمِ عیشِ دوست

واں تو میرے نالے کو بھی اِعتبارِ نغمہ ہے

خواہش

ہزاروں خواہشیں ایسی کہ ہر خواہش پہ دم نکلے

بُہت نکلے مِرے ارمان لیکن پھر بھی کم نکلے

٭٭٭

شاعر

ہو گا ایسا بھی کہ غالبؔ کو نہ جانے؟

شاعر تو وہ اچھّا ہے، پہ بدنام بَہُت ہے

حرف "ی" سے اشعار

مسائل تصوف

یہ مسائلِ تصوّف ، یہ تِرا بیان غالبؔ

تجھے ہم ولی سمجھتے جو نہ بادہ خوار ہوتا

Ye masa’el tasawwuf, ye tera bayan ‘Ghalib’

Tujhe ham wali samajhte jo na badah khawar hota

آزاد مرد

یہ لاشِ بے کفن اسدؔ ِ خستہ جاں کی ہے
حق مغفرت کرے عجب آزاد مرد تھا
Ye laash e be kafan ‘Asad’ khasta jaan ki hai
Haq maghfarat kare ajab aazad mard tha

مفہوم: فرماتے ہیں کہ مرنے کے بعد لوگ یقیناً آکر یہی کہیں گے کہ یہ نعش/لاش جو برہنہ ہے یہ مرزا غالبؔ کی جسم ہے۔ جو عشق زدہ آدمی تھا ، خدا اس کی مغفرت کرے ، کیا ہی عجیب اور آزاد انسان تھا کہ مرنے کے بعد بھی کفن سے بھی آزاد ہے۔

دوستی

یہ کہاں کی دوستی ہے کہ بنے ہیں دوست ناصح

کوئی چارہ ساز ہوتا، کوئی غم گُسار ہوتا

Ye kahan ki ddosti hai keh bane hain dost Naseh

Koi chara saaz hota, koi gham gusaar hota

یا رب

یا رب وہ نہ سمجھے ہیں، نہ سمجھیں گے مری بات

دے اور دل اُن کو، جو نہ دے مجھ کو زباں اور

Ya Rab wo na samjhe hain, na samjhen gay meri baat

De aur dil un ko, jo na de mujh ko zubaan aur

نمک

یاد ہیں غالبؔ تُجھے وُہ دِن کہ وجدِ ذوق میں

زخم سے گِرتا تو میں پلکوں سے چُنتا تھا نمک

Yaad hain ‘Ghalib’ tujhe wo din keh wajd e zooq mein

Zakhm se girta to main palkon se chunta tha namak

حرفِ مکرّر

یا رب زمانہ مجھ کو مِٹاتا ہے کِس لیے

لَوحِ جہاں پہ حرفِ مُکرّر نہیں ہُوں میں

Ya Rab zamana kujh ko mitata hai kis liye

Looh e jahaan pe Harf e mukarrer nahi hoon main

ویراں

یُوں ہی گر روتا رہا غالبؔ تو اے اہلِ جہاں

دیکھنا اِن بستیوں کو تُم کہ ویراں ہو گئیں

Yun hi gar rota raha Ghalib tu ay aehl e jahan

Dykhna in bastion ko tum keh veraan ho gayen

دشمن

یہ فِتنہ آدمی کی خانہ ویرانی کو کیا کم ہے

ہُوئے تُم دوست جس کے، دشمن اُس کا آسماں کیوں ہو

غالب

یہ باعثِ نو میدئ اربابِ ہَوس ہے

غالبؔ کو بُرا کہتے ہو، اچھّا نہیں کرتے

:Mirza Ghalib Shayari

"Summary "Review

The timeless art of poetic expression by Mirza Asad Ullah Khan Ghalib, holds a celebrated place in the world of literature. “Ghalib Shayari”, characterized by its intricate depth and profound emotions, captures the essence of love, pain, and the human experience. With his remarkable ability to weave words into complex patterns, “Ghalib Shayari” continues to resonate with readers, offering insights into the complexities of life. Each verse of “Ghalib Shayari” is a masterpiece, showcasing his unparalleled skill in combining elegance with raw emotion. “Ghalib Shayari” transcends time and culture, remaining a source of inspiration for poets and enthusiasts alike. In every couplet, “Ghalib Shayari” reveals a glimpse of his soul, making it a treasure blend of wisdom and beauty.