• بے شک وہ احسان و کرم جو تونے کسی کے ساتھ کیا ہے، وہ درحقیقت تو نےاپنی جان کے ساتھ کیا ہے اور اس کے ذریعے اپنی عزت کو محفوط رکھا ہے۔ 

٭٭٭

• بے شک جو شخص برائی کرے اس کے ساتھ بھلائی کر اور لوگوں کے قصور بخشش سے ڈھانپ، کیونکہ معاف کرنا بہت بڑی تعریف کی بات ہے اور فضیلت کا عنصر ہے۔

٭٭٭

• جو شخص اپنے احسان کو جتلاتا ہے، وہ اسے مکدر اور خراب کر دیتا ہے۔

٭٭٭

• جو شخص اپنے احسان کو جو وہ لوگوں کے ساتھ پہلے کیا کرنا تھا، جب اسے روک دیتا ہے تو اللہ تعالیٰ اس سے فراخی اور قدرت کو زائل کر دیتا ہے۔

٭٭٭

• جو شخص لوگوں کے ساتھ احسان کرتا ہے اس کے کاموں کا انجام نیک ہو جاتا ہے اور اس کے لیے راہیں آسان ہو جاتی ہیں۔

٭٭٭

• جب کوئی شخص تجھ سے احسان کرے تو اسے ہمیشہ یاد رکھ اور جب تو کسی کے ساتھ احسان کرے تو اسے بھول جا۔ 

٭٭٭

• جو شخص اپنے پڑوسیوں کے ساتھ احسان کرتا ہے۔ بہت سے لوگ اس کے خدمت گزار ہو جاتے ہیں۔

٭٭٭

• جو شخص احسان اور فضل کو کامل کرنا چاہتا ہے۔ وہ مانگنے سے پہلے لوگوں پر مال خرچ کر دیتا ہے۔

٭٭٭

• تمام نیک کاموں میں جس چیز کا بہت جلد بدلہ ملتا ہے وہ احسان ہے۔

٭٭٭

• جب تو کسی کے ساتھ احسان کرے تو اس کو مخفی رکھ اور جب تیرے ساتھ کوئی دوسرا احسان کرے تو اسے ظاہر کر۔

٭٭٭

• اپنے بہت بڑے احسان کو بھی بڑا نہ سمجھ کہ تجھے اس سے بھی زیادہ احسان کرنے کا حکم ہے۔

٭٭٭

• جو شخص کسی شریف کے ساتھ نیکی اور احسان کرتا ہے وہ اس کا شکر گزار رہتا ہے۔

٭٭٭

• جو شخص مال و دولت کے موجود ہونے کے وقت لوگوں کے ساتھ احسان نہیں کرتا، مصیبت کے وقت کوئی اس کی مدد نہیں کرتا اور دوسروں کی ذلت و خواری پر خوش ہوتا ہے تو دوسرے اس کی ذلت و خواری پر خوش ہوتے ہیں۔

٭٭٭

• جو شخص لوگوں سے احسان زیادہ کر دیتا ہے۔ بہت سے لوگ اس کے خدمت گار اور معاون و مددگار ہو جاتے ہیں۔

٭٭٭

• اگر تو لوگوں پر احسان کرے گا تو وہ تیری خدمت کریں گے اور اگر وقار سے رہے گا تو وہ تعظیم سے پیش آئیں گے۔

٭٭٭

• بار بار جتلانا احسان اور نیکی کو برباد خراب کر دیتا ہے۔

٭٭٭