'نے' اور 'کو' کا استعمال

‘نے’ کا استعمال

اردو زبان میں "نے ” فاعل (subject) کی علامت ہے۔ اس کے استعمال میں احتیاط ضروری ہے:

1. ” نے” متعدی افعال میں فاعل (subject)کے ساتھ استعمال ہوتا ہے۔
2. فعل متعدی کے ماضی مطلق، ماضی قریب ماضی شکیہ کے ساتھ  "نے”  استعمال ہوتا ہے جیسے: حسنین نے کتاب پڑھی۔ حمزہ نے خط لکھا۔ مدثر نے قرآن پڑھا ہوگا۔
3.  بعض متعدی افعال ایسے ہیں جن کے فاعل کے ساتھ   "نے”  نہیں آتا مثلاً لانا اور بولنا“ کے افعال میں متعدی ہونے کے باوجود ” نے استعمال نہیں ہوتا۔
4.   افعال لازم کے فاعل کے ساتھ   "نے”  استعمال نہیں ہوتا۔ جیسے: دوڑا۔ رویا۔ چلا۔ بھاگا۔ کے ساتھ   "نے” نہیں آتا۔
5.  بعض فعل لازم ایسے ہیں جن کے فاعل کے ساتھ   "نے”  آتا ہے جیسے : عزیز نے گلاس توڑا۔ رقیہ نے کھانا پکایا۔   
6.  چاہنا مصدر کے فعل کے ساتھ   "نے”  آتا ہے۔ لیکن اگر فاعل، دل، طبیعت، جی ہوں تو "نے”   کا استعمال نہیں ہوتا ہے جیسے : دل چاہا تو ضرور آؤں گا۔ طبیعت چاہی تو چلا جاؤں گا۔ جی چاہا تو آؤں گا۔
7.  مجھ اور تجھ اگر فاعل ہوں تو   "نے”  نہیں آتا لیکن ان کے ساتھ کوئی صفت ہو تو   "نے”  استعمال ہوگا جیسے : مجھے بدنصیب نے یہ نہیں کیا تھا۔ تجھ شریف نے یہ کیوں کہا؟
8.  مصدر کے ساتھ "نے”  کا استعمال غلط ہے۔ جیسے: امجد نے کراچی جانا ہے۔ میں نے کتاب پڑھنا ہے۔ ہم نے حج کرنا ہے۔ ان کی صحیح صورت یہ ہوگی : امجد کو کراچی جانا ہے۔ مجھے کتاب پڑھنا ہے۔ ہمیں حج کرنا ہے۔

‘کو’ کا استعمال

اردو زبان میں” کو” مفعول  (object) کی علامت ہے جس کے استعمال میں احتیاط لازمی ہے: 

1.  جب کسی جملے میں مفعول عاقل جاندار ہو تو اس کے ساتھ ” کو ” ضرور آتا ہے۔ جیسے: عثمان نے شاگرد کو پڑھایا۔ میں نے فرحان کو دیکھا۔
2.  اگر کسی جملے میں مفعول بے جان ہو تو ” کو”  نہیں آتا جیسے : میں نے کتاب پڑھی۔ طارق نے اخبار خریدا، بولنا چاہیے۔ ان جملوں میں "کو” کا استعمال غلط ہے۔
3.  مرکب مصدر جو محاورے کے طور پر استعمال ہوتے ہیں وہاں ” کو ” کا استعمال غلط ہے جیسے : کمر باندھنا کے بجائے کمر کو باندھا۔ ہمت ہارنا کے بجائے ہمت کو ہارنا غلط ہوگا۔
4.  اگر کسی جملے میں جاندار ذو العقول دو مفعول ہوں تو ان میں دوسرے مفعول کے ساتھ کو” استعمال” کرنا ٹھیک ہوگا نہ کہ دونوں مفعولوں کے ساتھ ” کو استعمال کیا جائے۔ جیسے: اسامہ نے بچہ اس کی ماں کو دیا۔ اس جملے میں بچہ اور ”ماں دونوں مفعول ہیں لیکن کو” صرف” دوسرے مفعول ماں کے ساتھ استعمال کیا گیا ہے۔