السلام علیکم دوستو!

زون اردو، پیا دیس کمیونٹی کی ایک کاوش ہے۔ اس کا مقصد اردو زبان کا فروغ، مطالعے اور تخلیقی ذوق کی آبیاری ہے، اور اگر اس کوشش کے ذریعے روزگار کا کوئی ذریعہ بھی بن جائے تو یہ "سونے پر سہاگا” ہوگا۔

یہاں آپ کو نصابی اور غیر نصابی دونوں طرح کے بہترین اردو ادب کا مطالعہ کرنے کا موقع ملے گا۔

خواہ شاعری ہو یا نثر، مزاح ہو یا تنقید، قواعد ہوں یا ادب، آپ کی تحریریں ہوں یا ہماری… آئیے، پڑھیے اور لطف اٹھائیے۔ اگر آپ لکھنے پڑھنے کا شوق رکھتے ہیں تو اپنی تخلیقات (شاعری یا نثر) ہمیں ارسال کریں، زون اردو انہیں شائع کرنے کی بھرپور کوشش کرے گا۔ ہم آپ کو خوش آمدید کہتے ہیں۔

اس الیکٹرانک اردو بستی، جسے ہم زون اردو کہتے ہیں، کا خیال میرے ذہن میں کیسے آیا؟ میرا نام علی احمد ہے، اور میری خواہش تھی کہ اس رنگ و بو کی دنیا میں اردو زبان کے لیے کچھ مثبت کام کیا جائے۔ سوچا کہ کیوں نہ پڑھنے اور لکھنے کی خدمت کی جائے۔ ہم اپنے آپ کو بڑا ادیب یا شاعر نہیں سمجھتے، مگر ادب سے محبت ضرور رکھتے ہیں۔ اسی جذبے کو عملی شکل دینے کے لیے زون اردو کا آغاز کیا گیا، جو آج آپ کی خدمت میں حاضر ہے۔ میں اور میری ٹیم مسلسل اس کو مزید بہتر بنانے کی کوشش کر رہے ہیں۔

ایک اور بات! اس ویب سائٹ کی روحِ رواں، یعنی میں علی احمد، گزشتہ بارہ برس سے مختلف اسکولوں، کالجوں اور آن لائن پلیٹ فارمز پر اردو زبان کی تدریس سے وابستہ ہوں۔ آج کے اس گلوبل ولیج میں دنیا کے کسی بھی ملک میں رہنے والے وہ افراد جو خود اردو سیکھنا چاہتے ہیں یا اپنے بچوں کو اردو سکھانے کے خواہش مند ہیں، وہ بھی اس ویب سائٹ کے ذریعے مجھ سے رابطہ کر سکتے ہیں۔

اس ویب سائٹ کو بہتر سے بہتر بنانے کے لیے آپ کی تنقید، تجاویز اور آرا ہمارے لیے نہایت قیمتی ہیں۔ ہمارا مقصد استاد بننے کا دعویٰ کرنا نہیں، بلکہ عمر بھر ایک طالبِ علم رہتے ہوئے سیکھنے اور سکھانے کا سفر جاری رکھنا ہے۔

مزید معلومات کے لیے ہم سے رابطہ کریں۔

آپ کی توجہ کا بے حد شکریہ!